Guztira 118 korrikalarik egin zioten aurre Zizurkilgo Gau Krosari larunbat gauean: 7,5 kilometro eta hotz handia. Gizonezkoetan Amets Aranberri zestoarra izan zen irabazlea (22.26), bigarren Jon Zubeldia asteasuarra izan zen (23.23) eta oso gertu helmugaratu zen Asier Mujika tolosarra (23.27) hirugarren postuan. Emakumezkoetan Irati Larrañaga Matxain usurbildarra izan zen irabazlea (26.50), bigarren Nagore Azkue tolosarra helmugaratu zen (27.26), eta hirugarren Irati Larrañaga Zabala tolosarra (28.15).
Gazteen mailan ere egin zen proba, 2,5 kilometroa, eta mutiletan podiuma ondorengoek osatu zuten: Iker Fernandez andoaindarra (8.37), Unai Villegas andoaindarra (8.42) eta Peru Cestau adunarra (8.46). Nesketan lehen hirurak ondorengoak izan ziren: Izaro Urkola tolosarra (9.31), Lide Lizeaga urnietarra (9.38) eta Saioa Urdangarin billabonatarra (9.48).