Zizurkilgo Udalak Gabonetako Azoka Berezia antolatu du larunbatean, abenduaren 2an, Joxe Arregi plazan. Bailarako artisauak eta janari postuak egongo dira bertan, 10:00etatik 14:00etara. Mota guztietako postuak egongo dira: gozoak, pateak, eztiak, bonboiak, txakolina, egutegiak, euskal panpinak, motxilak, xaboiak, krema eta ukenduak, umeentzako jostailuak eta bitxiak, besteak bestek.
I. Postre Gozo lehiaketa ere antolatu dute azokarekin batera Zizurkilgo Gaztezulotik. Hiru kategoriatan parte hartu ahal izango dute gaztetxoek: 9-12 urte artekoak; 13 eta 17 urte artekoak; eta 18 urtetik gorakoak. Lehiaketan izen ematea egunean bertan egingo dute, eta partaideak erabilitako errezeta aurkeztu beharko du. Irabazleentzat sariak egongo dira. Postreak 11:00etatik 12:00etara bitartean utzi beharko dira Joxe Arregi plazan.
Familientzako ikuskizuna
Larunbat arratsaldean Tolosaldea Garatzenetik antolatu dituzten ekitaldien barruan familia osoarentzat Bueltaka ikuskizuna egongo da Atxulondo kultur etxean. Giza eskubideen nazioarteko egunaren eta pertsona migratuen nazioarteko egunaren harira hainbat ekitaldi antolatu dituzte Tolosaldea Garatzenetik. 7 urtetik aurrerako gaztetxoek parte hartu ahal izango dute Behibi's teatro taldearen emankizunean.