Xabier Aranburu, Aimar Galarraga, Gari Garmendia, Imanol Royo, Jon Unanue eta Julen Diaz lehiatu dira Zizurkilgo Intxaur pilotalekuan jokatu den Harri Handien Gipuzkoako Txapelketan. Bada, Xabier Aranburu Guzta izan da irabazlea, 4.525 kilo altxatu ostean. Laukizuzena 5 aldiz altxatu du, zilindroa 7 aldiz, kubikoa 7 aldiz eta bola 10 aldiz.
Bere atzetik sailkatu da, Gari Garmendia, 4.375 kilorekin. Laukizuzena 4 aldiz, zilindroa 6 aldiz, kubikoa 6 aldiz eta 13 aldiz altxatu du bola. Hirugarren geratu da Aimar Galarraga, 4.000 kilorekin. 4 aldiz altxatu du laukizuzena, 6 aldiz zilindroa, 6 aldiz kubikoa eta bola 10 aldiz.
Julen Diazek 4.025 kilo altxatu ditu, baina, gonbidatu bezala aritu da txapelketan, arabarra baita. Jon Unanuek, berriz, laukizuzenarekin eta zilindroarekin egin ditu altxaldiak, baina ondoren erretiratu egin da.