Zizurkilgo iturri eta ikuztegi edo labadero asko desagertu edo desagertzear daude. Hainbat herritarren kezkari erantzun nahian, Hernandorena kultur elkarteak talde bat osatzeko bidea jarri nahiko luke herriko iturri eta labaderoen inbentarioa egiteko eta, ahal balitz, horietako batzuk berreskuratzeko.
Gai honen inguruko interesa duten herritarrei deia luzatu diete Hernandorena kultur elkarteak. Asteartean, urriaren 10ean, Argurutzeako lokalean egingo dute bilera Herribizigune elkartearen egoitzan, 19:00etatik aurrera.