Zizurkilgo Lau eta erdiko III. Intxaur txapelketako finalak jokatuko dira, larunbatean, Zizurkilgo Intxaur pilotalekuan. 16:00etan hasiko da jaialdia Ziotza pilota eskolako pilotarien arteko partidekin, eta sarrerak, 2 eurotara egongo dira eskuragarri.
Ohi bezala hiru final jokatuko dira: emakume, promesa eta elite mailak. Emakumezkoetan, Aurrera Leiza klubeko Zabaleta eta Zaramaga klubeko Garai arituko dira nor baino nor. Gizonezko promesetan, Tolosa Aurrera klubeko Ander Perurena zizurkildarrak bere indarrak neurtuko ditu Ilunpe klubeko Egiguren azpeitiarraren aurka. Hirugarren eta azken partidan, elite mailan, Tolosa Aurrera klubeko Julen Alberdi zizurkildarra eta Zugarralde klubeko Anso izango dira txapelaren bila neurtuko direnak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!