Bi proma izan dira jokoan; gizonezkoena eta emakumezkoena. Jokin Etxeberria amasarrak irabazi du gizonezkoetan, 6 minutu eta 16 segundoko denborarekin. Emakumezkoetan, berriz, Alaitz Imaz hernialdetarra izan da azkarrena, 5 minutu eta 5 segundoko denborarekin. Etxeberriaren ondoren Mikel Lizartza tolosarra sailkatu da, 6 minutu eta 35 segundoko denborarekin, eta hirugarren, berriz, Jon Otegi oiartzuarra izan da, 7 minutu eta 10 segunduko denborarekin. Laugarren postua Julen Gabirondo urnietarrak lortu du (03:49), bosgarren Oier Urkola anoetarrak (04:25), eta Garikoitz Etxeberria amasarrarentzat izan da azken postua (06:51).
Emakumezkoetan ez da horrelako bukaera esturik izan. Izan ere, Alaitz Imaz irabazlearen ondoren, Ainara Otamendi ibartarra sailkatu da, 6 minutu eta 49 segundoko denborarekin.