Loatzo Musika Eskolak 20 urte bete ditu eta gaur egin du Zizurkilgo Herrigunean urtemugako festa handia. Zizurkil, Anoeta, Ibarra, Alegia, Amasa-Villabona, Irura, Aduna eta Altzok osatzen dute mankomunitatea eta 20 urteotan hamaika bizipen izan direla azpimarratu dute musika eskolako arduradunek.
Gaur musika eskolako adin guztietako ikasleak bildu dira Zizurkilen urteurrena ospatzeko. Trikitilari eta dultzaineroek kalejira egin dute Zizurkilgo erraldoiekin batera.
Gauean, 22:00etatik aurrera, Intxaur frontoian kontzertua eskainiko dute musika eskolako parte diren ikasle eta gonbidatuek.