Eider Mendoza (EAJ), Maialen Iriarte (EH Bildu), Jose Ignacio Asensio (PSE-EE), Miren Echeveste (Elkarrekin-Podemos) eta Mikel Lezama (PP) izango dira mahai-inguruan egongo diren hautagaiak. Gipuzkoako lehen sektorea eta landa gunearen etorkizuna izango da gai nagusia eta Xabier Euzkitzek egingo ditu aurkezle eta moderatzaile lanak.
Mahai-ingurura joan nahi duten herritarrek aurrez eman beharko dute izena, 943 650 123 telefono zenbakira deituz edo gipuzkoa@enba.eus helbide elektronikora mezua bidaliz. «Maiatzaren 28an, Gipuzkoako baserritarrok asko dugu jokoan. Aurkezten diren alderdi politiko guztiak elkartu ditugu, aurrez aurre entzun ditzazun, baita zure galderak eta iritziak entzun ditzaten ere», adierazi dute Enbatik.