Zizurkilgo San Millan ikastetxeko, Zubimusu ikastolako eta Pedro Mari Otaño herri eskolako haurrek, inauterien jaialdia ospatu dute gaur arratsaldean Joxe Arregi plazan.
Joxe Arregi plaza gurasoz lepo egon da Zizurkilgo haurren emanaldia ikusteko. Ikastetxe bakoitzak, dantza bana egin du: San Millan ikastetxekoak polizia eta lapurrez mozorrotu dira, Zubimusu ikastolakoak mimoz, eta Pedro Mari Otaño herri eskolakoak berriz olinpiar joko erraldoiak antzeztu dituzte. Eguraldia lagun zutela, arratsalde ederra pasa dute Zizurkilgo haur, guraso eta irakasleek.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!