Teodoro Hernandorena Kultur Elkartea Zizurkilgo mugarriak aurkitzen, txukuntzen eta katalogatzen ari da, eta horren guztiaren berri emango dute lanketa egiten ari diren kideek.
Egun berean, Plazida Otaño liburutegiak antolatutako Irakurketa Erronkako sari-banaketa ere izango da, liburutegian bertan. Asteazkenean, abenduaren 21ean, Loatzo Musika Eskolaren Gabonetako emanaldiaz gozatzeko aukera izango dute Herriguneko San Millan elizan, 19:00etan. Ostegunean, abenduaren 22an, Teodoro Hernandorena XXI. Ipuin Lehiaketako sari-banaketa izango da, 17:30ean, Atxulondo kultur etxean.