Jokin Eizmendi, iazko txapelduna, izan da bigarren, 6.275 kilo jasota. Hirugarren, berriz, pisu txikiagoko harriekin hobeto moldatu den Iñigo Eizagirre izan da, 4.375 kilo jasota.
Magunazelaiak 175 kiloko zilindroarekin egindako saioan hautsi du lehia. 12 jasoaldi egin ditu, gehienek 6 egin dituzten bitartean. Aise eraman du sorbaldara harria, eta jasoaldi bat bestearen atzetik egin du, ia geratu gabe. Eizmendik 10 aldiz jaso du zilindroa. 150 kiloko kubikoa hamarna aldiz jaso dute lehen bi sailkatuek. 125 kiloko bolarekin, ordea, beste erakustaldi handi bat egin du Magunazelaiak, eta hor hautsi du erabat txapelerako norgehiagoka. 15 aldiz eraman du sorbalda gainera; Eizmendik, berriz, 13 aldiz jaso du.
Harmailak guztiz bete ez badira ere, ikusle ugari bertaratu da frontoira, eta guztiek gozatu dute harri-jasotzaileek egindako lanarekin; hala ere, Magunazelaiak harriak jasotzean nahiz bestela ere emandako erakustaldiarekin gozatu dute gehien.
Honela geratu da sailkapena:
| Postua | 1 |
2 |
3 |
4 |
5 |
Gonbidatua, txapelketatik kanpo |
6 |
| Harri-jasotzailea | Urdax Magunazelaia | Jokin Eizmendi | Iñigo Eizagirre | Jon Unanue | Xabier Aranburu | Julen Diaz | Aimar Galarraga |
| 200 kiloko errektangularra | 7 jasoaldi | 7 jasoaldi | 3 jasoaldi | 4 jasoaldi | 5 jasoaldi | 4 jasoaldi | 3 jasoaldi |
|
175 kiloko zilindroa |
12 jasoaldi | 10 jasoaldi | 6 jasoaldi | 6 jasoaldi | 6 jasoaldi | 5 jasoaldi | 6 jasoaldi |
| 150 kiloko kubikoa | 10 jasoaldi | 10 jasoaldi | 9 jasoaldi | 6 jasoaldi | 4 jasoaldi | 6 jasoaldi | 5 jasoaldi |
| 125 kiloko bola | 15 jasoaldi | 13 jasoaldi | 11 jasoaldi | 10 jasoaldi | 10 jasoaldi | 9 jasoaldi | 9 jasoaldi |
| Guztira | 6.875 kilo | 6.275 kilo | 4.375 kilo | 4.000 kilo | 3.900 kilo | 3.700 kilo | 3.525 kilo |