Zizurkilen Euskaraldiaren inguruan sortu den batzordeak beroketa lanak egin eta ariketa sozialaren txupinazo modura ekitaldiak antolatu ditu ostegun arratsalderako. Joxe Arregi plazan egingo dute arratsalde pasa eta batzordeko kideek aipatu dutenez, "motorrak berotzen joateko" balioko du ekimenak.
Euskaraldia hitza zintzilikatuko dute plazan herriko hiru ikastetxeetako ordezkariek, 15:30 aldera eta ondoren argazkia aterako dute elkarrekin. Bestalde, 19:00etan txupinazo gisara, batzordeko kideak Joxe Arregi plazan bertan txapak banatzen ibiliko dira eta zizurkildarrek aukeratutako euskal kantuen zerrenda izango da bertan entzungai.