Zizurkilen Euskaraldian egingo diren ekitaldiak girotzeko, euskal kantuen zerrenda osatu nahi dute ekimenaren antolatzaileek. Spotify, Youtube, Amazon music edota Apple music plataformetan zintzilikatuko da zerrenda hori.
Proposamenak komunikazioa@zizurkil.eus helbidera bidali beharko dira, aukeratutako kantu, talde edo abeslariaren izena azaldu beharko da. Azaroaren 30a baino lehen bidali beharko dira proposamenak eta zerrenda publikoki aurkeztuko dute abenduaren 3an, Euskararen Egunean.