Sua piztu da gaur arratsaldean Benta Zarate inguruan, Andatza mendian, Zizurkil eta Asteasu artean. Eusko Jaurlaritzako Segurtasun Sailak eta Aldundiko suhiltzaileek jakitera eman dutenez, sua arratsaldeko 17:00ak baino lehen piztu da, eta 18:15ak aldera perimetratu dute. Horregatik, ez da beharrezkoa izan inguruko baserri edo etxebizitzarik hustutzea.
Ertzaintzak jakinarazi duenez, sutea kontrolpean dago, eta Ordiziako eta Tolosako suhiltzaile-etxeetako langileak, basozainak eta Mendi Saileko langileak lanean jarraitzen dute.