Ekimen bakarrean uztartu zituzten liburutegian dituzten bi irakurle taldeak, euskarazkoa eta gaztelaniazkoa. Fernando Rey Zizurkilen izan zen eta gaztelaniazko irakurle taldeko dinamizatzaile den Monika Leivak elkarrizketatu zuen itzultzaile nafarra.
Ekimenaren antolatzaileek omenaldi bat egin zieten itzultzaileei, «itzulpen on batek irakurleak egiten baititu». Irakurketa jarraitua egin zuten bi hizkuntzetan, Infinitua ihi batean liburuaren pasarte ezberdinak aukeratuta. Lau multzotan egin zuten saioa, eta tarteetan, Loatzo musika eskolako bi musikari aritu ziren. 16 lagunek hartu zuten parte irakurketan.