Behin jolasak amaituta, meza nagusia egin dute elizan, eta ondoren hamaiketakoa izan da erretirodunentzat. Bazkal aurretik herri kirol erakustaldia egin dute Jon Irazuk, Joseba Otaegik eta Malen Barrenetxeak aizkoran, eta Imanol Royo Lartainek harri-jasotzen. Arratsaldean, dantzariak, sagardo dastaketa eta bertso saio nagusia izango dira, besteak beste:
- 18:00. Alurr dantza taldearen Itsas lapurrak dantza ikuskizuna plazan.
- Ondoren. Sagardo dastaketa, Jone Uria eta Julene Otegi trikitilariekin.
- 23:00. Bertsolarien saio nagusia. Unai Mendizabal, Maialen Lujanbio, Andoni Egaña, Oihana Iguaran, Amets Arzallus eta Aitor Mendiluze. Gai jartzailea: Haritz Mujika.
- Ondoren. Izer eta Alabier trikitilariak.
