Aurtengo Maiatza Saltsan kultura programazioaren baitan, Akezkoerrota bisitatzeko aukera izan zen maiatzaren 7an.
Hainbat urtez geldirik egon ostean, berriro martxan jarri dute aurten errota, Hernandorena kultur elkartearen ekimenez, Arizmendi familiaren eta Zizurkilgo Udalaren babesarekin, Aranzadi zientzia elkarteko Etnografia saileko Javi Castro Montoya eta Joseba Alonso Arratibelen laguntzarekin, eta Aramako Ibares errotako aita-seme errotariek hainbat hobekuntza eginda.
Errotaren bisita egun bakarrera ez mugatzeko, bideoa grabatu dute, interesa daukaten guztiek aukera izan dezaten Akezkoerrotaren historia eta funtzionamendua ezagutzeko.