Gaur egun osoan zehar, magiari lotutako saioak egingo dituzte Zizurkilen, Magia Eguna ospatzen ari baitira. Goizean, Magia ere neskentzat bada tailerra izan da Atxulondo kultur etxean, 9 urtetik gorako neska-mutilentzat; dozena bat haur bertaratu dira.
Arratsaldean, hiru magoren ekitaldiez gozatzeko aukera izango da herriko txoko desberdinetan. Gauean, Magia Gala Nagusia egingo dute, Atxulondon.
Arratsaldeko egitaraua:
- 18:00. Txoborro magoaren emanaldia, Aurrera plazan.
- 19:00. Eriz magoa izango dugu Joxe Arregi plazako estalpean.
- 20:00. Hodei magoa, Herrigunean.
- 22:00. Magia Gala Nagusia Atxulondo kultur etxean, Liuba eta Oliver magoen eskutik. Sarrerak salgai daude, 5 euroan, Zizurkilgo udal bulegoetan.