Minbiziaren Aurka elkartea kalera atera zen larunbatean. Zizurkilen aritu ziren minbizia duten pertsonei babesa emateko eta dirua bildu zuten ikerketa onkologikora bideratzeko eta elkartearen doako zerbitzuak sustatu ahal izateko. Guztira 714,68 euro jaso zituzten eta elkarteak eskerrak eman dizkie herritarrei. "Hainbat boluntariok hartu zuten parte jardunaldi solidario honetan, hiriko hainbat tokitan jarri ziren mahaietan banatuta. Urteko diru bilketa egin, herritarrei elkartea hor dagoela adierazi eta pazienteei zein senideei laguntzeko lanean jarraitzen duela gogorarazteko aukera izan genuen".