Ekainaren 16an 19:00etan eta ekainaren 22an 18:30ean egingo dituzte entseguak Atxulondo kultur etxean.
San Joan dantzako entseguekin hasiko da Bukalai dantza taldea aste honetan. Bi egun jarri dituzte dantza ikasteko entseguetarako. Ekainaren 16a, osteguna, 19:00etan; eta ekainaren 22an, asteazkena, 18:30ean. Entseguak Atxulondoko kultur etxean izango dira, lehenengo solairuko ispiludun gelan.
Bukalai dantza taldekoek jakinarazi dutenez, kalejiran parte hartzen duten umeek heldu baten ardurapean joan beharko dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!