Herrigunera oinez joan-etorriak egiteko bide berria sortu du Zizurkilgo Udalak, Adunibar aldetik Beibategira joateko, Errekalde baserriaren albotik. Segurtasunari begiratuta, pauso garrantzitsua eman dela aipatu dute udal ordezkariek, lan hauek egin aurretik, ingurune horretan bidearen zati bat errepidez egin behar izaten zutelako oinezkoek.
Herrigunera doan errepidea egin aurretik, bertatik pasatzen zen herri bidea, baina galduta egon da azkeneko urteetan. Udalak lan hauek berreskuratu egin du bidea eta Adunibar aldetik bertara joaten direnek errepidea gurutzatu eta Errekalde baserriaren paretik jarraitu ahal izango dute bidea Beibategira. Gipuzkoako Foru Aldundiarena da errepidearen eskumena, eta bertatik oraindik ere segurtasun handiagoz pasa ahal izateko, oinezkoentzako pasabide bat jartzeko eskaera luzatu dio udalak aldundiari.
Datorren igandean egingo duten erroten ibilaldiko parte hartzaileek herri bide berritutik pasatzeko aukera izango dute.