Herribizigune elkarteak Herritarren jakintza, eskuetatik eskuetara, etxeetatik plazara! lemapean, enkuadernazio tailerra antolatu du larunbaterako, apirilaren 30erako, Iriarte kultur etxean.
Tailerra 10:00etan hasiko da eta bertan parte hartu nahi dutenek, herribizigune@gmail.com helbidean eman beharko dute aurrez izena. Asteazkena da horretarako azken eguna. Bestela, elkarteko edozein kiderengana gerturatuta ere eman daiteke izena.