Eguerdian ospatuko dute festa, eta lehenagotik sendabelarrak eta landare jasangarriak ezagutzeko ibilaldia egingo dute, 10:00etan hasita.
Ilargiaren araberako euskal egutegiaren arabera, urteberri festa izango da asteburu honetan. Herribizigune elkarteak antolatu du jaia eta musika, egutegia eta pintxoak dastatzeko aukera izango da bertan. 12:30 aldera hasiko da festa Pedro Mari Otaño plazan.
Lehenago, sendabelar eta landare jasangarriak ezagutzeko ibilaldia egingo dute. 10:00etan abiatuko da eta edonork parte hartu ahal izango du bertan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!