Aiztondoko Mugimendu Feministak Emakumeen Nazioarteko Egunaren inguruan antolatutako egitarauaren barruan, Zizurkilen irradaka antolatu du martxoaren 8an, Joxe Arregi plazan, 18:45ean. Bernarda Usabiaga zendu berria oroituko dute ekitaldian.
Zizurkilgo emakumeek 2020ko martxoaren 8an dantzatzeko prestatu zuten soka-dantza hau, baina COVID-19ak eragindako itxialdiaren aterian atzeratzea erabaki, eta iaz, oraindik ez ohiko egoeran, maskarak jantzita eta distantziak mantentzeko sokak baliatuta, jenderik gabeko plazan egin zuten irradaka.
Aurten, herriko emakumeak eskutik helduta eta aurpegietara begiratzen dantzatzeko asmotan dira eta martxoaren 8an egingo den ekitaldia prestatzeko entsegua egingo dute, gaur, martxoak 3, Joxe Arregi plazan, 18:00etan hasita.