Serigrafia tailerra egingo dute urtarrilaren 22an Zizurkilen. Iriarte kultur etxean egingo dute urtarrilaren 22an, 10:30ean hasita. Herribizigune elkarteak antolatu du ekimena, Herritarron jakintza, eskuetatik eskuetara, etxeetatik plazara! leloari jarraituta.
Doakoa izango da izen ematea, baina elkarteko kideek esan dute eskertuko luketela gerturatzeko asmoa dutenek aurrez jakinaraziko balute, urtarrilaren 17a baino lehen, herribizigune@gmail.com helbidera idatzita, astelehen arratsaldetan Plazaetxeberri ondoko txabolara gerturatuta, edota elkarteko kideei jakinarazita.