Jon Erasun pilotari zizurkildarrak gaur jokatuko du Baiko Pilotarekin azken partida. Iruñeko Labrit pilotalekuan izango da, 17:15ean hasiko den jaialdian.
Hain justu, jaialdiko lehen partida jokatuko du Artolarekin batera, Agirre eta Aretxabaletaren aurka.
Zizurkilgo atzelariak 2016ko azaroaren 5ean egin zuen debuta Tolosako Beotibar pilotalekuan eta ordutik ia 200 partidatan hartu du parte. Baiko Pilotak eskerrak eman dizkio urte hauetan azaldu duen profesionaltasunagatik eta egindako lanagatik.