Abenduaren 11n jokatu zen txapelketa, Irungo Uranzu frontoian, eta pultsulari hauek parte hartu zuten Danok Danenatik: emakumezkoetan, Elena Mangas, Naiara Madrid, Allison Rivera eta Amaia Blanco, eta gizonezkoetan, Ekaitz Kortajarena, Eki Lizaso, Mikel Alvarez, Jon Rodriguez, Pablo Ucero eta Andres Rubiños. Emakumezkoetan marka onena Elena Mangasek egin zuen eta gizonezkoetan Ekaitz Kortajarenak.
Bestalde, pasa den igandean, Zizurkilgo Kirol Astearen barruan, I. Egarri Trofeoa antolatu zuen taldeak Joxe Arregi plazan. Parte hartzaileak ondorengoak izan ziren: gaztetxoak, Mirari Maqueda eta Lier Erro; emakumezkoak, Elena Mangas, Allison Rivera eta Amaia Blanco; eta gizonezkoak, Ekaitz Kortajarena, Jon Rodriguez, David Rubio, Julen Larrauri eta Eki Lizaso. Urteak dira Zizurkilgo Joxe Arregi plazan txapelketarik egin gabe zela eta Danok Danenatik eskerrak eman dizkiote udalari igandeko ekitaldia antolatu ahal izateagatik. Bestalde, Egarri tabernari ere taldeak eskerrik beroenak eskaini dizkio, «txapelketa aurrera eramateko egin duen ahaleginagatik eta ondoren bazkari eder batetara gonbidatu izanagatik».
Danok Danena halterofilia taldea Gipuzkoako taldekako txapelduna izan da, emakumezkoetan zein gizonezkoetan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!