Zizurkilgo Kirol Astearen barruan, Zizurkilgo Gau Krosaren XXIV. edizioa jokatu zen larunbatean. 7 kilometroko lasterketa izan zen, eta gizonezkoetan, Aitor Regillaga tolosarra izan zen azkarrena; emakumezkoetan, berriz, Maialen Gurrutxaga andoaindarra. Regillagaren atzetik, Eneko Garin billabonatarra eta Julen Azkue tolosarra helmugaratu ziren. Gurrutxagarekin batera, Aitana Amundarain eta Nagore Azkue tolosarrek osatu zuten podiuma.
Egungo osasun egoeragatik ezarritako neurrien ondorioz, beste urteetan baino lasterkari gutxiagok hartu zuten parte aurtengo edizioan; hala ere, urteroko giro epela nabaritu zen. Lasterketa hasi aurretik, minutuko isilunea egin zuten Ibontxo Gonzalez omentzeko. Txokolatea eta gailetak banatu zizkieten korrikalari eta ikusleei, musikaz girotu zuten festa handiko gauean.
Sailkapenak:
Gizonezkoak:
- Aitor Regillaga (Tolosa): 22.48
- Eneko Garin (Amasa-Villabona): 22.51
- Julen Azkue (Tolosa): 22.55
Emakumezkoak:
- Maialen Gurrutxaga (Andoain): 27.30
- Aitana Amundarain (Tolosa): 28.34
- Nagore Azkue (Tolosa): 28.36
Dinosaurio saria (korrikalari zaharrena): Jabier Gallo