Iker Vicentek bigarren aldiz irabazi du Sherpa.ai Txapelketa Nagusia. Buruan kokatu zen lehiaketa osoan zehar eta, azkenean, enborretik enborrerako tartea irabazten joan zen bigarren egin zuen Mikel Larrañagarekiko. Txanda bakarrean, sei finalistek hamabi enbor (54 ontzako lau , 60 ontzako lau eta 72 ontzako lau) ebaki behar izan zituzten.
Iazko lehiaketako palmareseko lehen hiru postuak errepikatu dira. Ekitaldia jai giro ederrean ospatu zen, eta ia 3.000 pertsona izan ziren Bilbao Arena aretoan.
Hauek dira aizkolariek lortutako denborak:
- Iker Vicente 39.37
- Mikel Larrañaga 41.57
- Eneko Otaño 43.14
- Aitzol Atutxa 44.32
- Julen Alberdi Txikia IV.a 45.53
- Jon Irazu 54.15
Emakumezkoen finala
Lehen aldiz egin da emakumezkoen finala, eta hiru aizkolari sailkatu ziren txapela lortzeko: Karmele Gisasola (Zelai III.a), Maika Ariztegi eta Uxue Ansorregi. Ezarritako lana 4 enborretakoa izan zen: 36 ontzako bi eta 45 ontzako beste bi. Karmele Gisasola garaile argia izan zen, arerioei abantaila handia aterata.
Hauek dira aizkolariek egindako denborak:
- Karmele Gisasola Zelai III.a 11.48
- Uxue Ansorregi 13.02
- Maika Ariztegi 15.25