Aiztondoko Plazida Otaño liburutegiak liburuaren astea antolatu du azaroaren 22tik 27ra. Liburutegiari izena ematen dion bertsolariaren biografia biltzen duen ipuin ilustratua prestatu dute Oihana Iguaranek eta Maria Altunak. Plazida oihartzunaren plaza izena jarri diote lanari eta astelehenean aurkeztuko dute.
Ipuin horretan jasotako ilustrazioekin erakusketa izango da ikusgai liburutegian eta ipuinaren irakurketa konpartitua egingo dute larunbatean eskolako umeekin batera.
LIBURUAREN ASTEA
Azaroak 22tik 27ra
Goiz eta arratsaldez. Plazida oihartzunaren plaza ilustrazioen erakusketa ikusgai izango da liburutegian.
Azaroak 22, astelehena
12:00. Plazida oihartzunaren plaza ipuinaren aurkezpena.
Azaroak 23, asteartea
18:00. Nerea Loiola egilea bertan dela Epizentroa liburuaren inguruko tertulia, Oihana Iguaranek gidatuta.
Azaroak 27, larunbata
11:00. Plazida oihartzunaren plaza ipuinaren irakurketa konpartitua eskolako umeekin eta Plazidaren eskulturaren osaketa.