Segurtasun sailak azaldu duenez 16:00ak inguruan pertsona batek Sos Deiak 112 Larrialdi Zerbitzura deitu du Zizurkilgo uxaldi batean parte hartzen ari zirela ehiztarietako bat konorterik gabe zegoela esanaz. Adierazi duenez, Zarateko mendi inguruan zeuden.
Polizia, suhiltzaileak eta osasun-langileak bertaratu dira, eta, azkenean, gizonezkoaren heriotza baieztatu dute. Sarbide zaileko lekua denez, Ertzaintzaren helikoptero batek, Zaintza eta Erreskate Unitateko agenteekin batera, ehiztariaren gorpua Tolosako Usabal futbol-zelaira eraman du. Bertan, Udaltzaingoaren patruila bat eta hileta-ibilgailu bat zeuden zain. Azken hori arduratu da Auzitegiko Patologia Zerbitzura eramateaz.