Datorren asteazkenean, hilaren 13an jarriko da martxan 'Pausoka, adinak ez du inporta' ekimena. Urrian eguraldia lagun izan daitekeela aprobetxatuz, Elizpe elkartekoek berriro ere martxan jarriko dituzte ibilaldiak. Urriaren 13rako, 20rako eta 27rako finkatu dituzte hitzorduak. Parte hartu nahi izenez gero, Elizpe erretiratuen elkartean edo Zizurkilgo udal bulegoetan eman behar da izena.
10:00etan emango zaio hasiera ibilbideari eta hiru taldetan banatuta egingo dituzte itzuliak. Burrusti baserriraino iritsiko da talde bat, Martxetaundira beste talde bat, eta Asteasuraino beste bat. 12:00etan Joxe Arregi plazan elkartuko dira parte hartzaile guztiak, hamaiketakoa egiteko.