Guztira 37 aizkolarik eman dute izena aurtengo txapelketan aritzeko, eta horregatik hiru kanporaketa antolatu dituzte. Lehenengoan parte hartu du Otaegik eta ezin izan du lortu finalerako txartela. Jokin Urretabizkaia donostiarra eta Julen Gabirondo urnietarra izan ziren azkarragoak. Lau kanaerdiko moztu behar zituzten aizkolariek, eta Urretabizkaia izan zen azkarrena, 8 minutu eta 25 segundoko denbora eginez. Gabirondok 8.53ko denbora egin zuen eta Otaegik 9.47koa.