EITBko El Conquistador saioko antzeko probak jarri dituzte herriko txoko ezberdinetan zehar Mattin Gizarte Abenturakoek. Zizurkildarrek, koloretako taldeetan banatuta, proba horiek pasatu behar izan dituzte, finaleraino iritsi arte. Probaz proba, partaideak galtzen joan dira, baina umorerik ez dute galdu goizak iraun duen bitartean.
Bitartean, herriko plazan, sei urtez azpikoek ere jolasak izan dituzte, Zizurkilgo erraldoi eta buruhandien begiradapean. Arratsaldean, 18:00etan hasita, Mikra zirku emanaldia izango dute plazan, eta afalostean, 22:30ean, Julen Alonso eta Oinkariren eskutik Sutan Dantzan ikuskizuna izango da Intxaur frontoian.
Hona hemen biharko egitaraua:
- Abuztuak 15, igandea
11:00. Haurren basoa ekimenaren eskutik, tailerrak eta jolasak.
12:00. Herri kirol saioa: aizkoran, Jon Irazu-Txomin Amondarain / Unai Otaegi-Joseba Otaegi.
Harri jasotzen, Udane Ostolaza.
19:00. Bertso jaialdia Intxaur frontoian. Maialen Lujanbio, Unai Mendizabal, Amaia Agirre, Andoni Egaña, Alaia Martin eta Amets Arzallus. Gai jartzen, Igotz Alkorta.
*Oharra: Edukiera mugengatik, gonbidapenak beharko dira Sutan Dantzan ikuskizunerako eta bertso jaialdirako. Iriarte eta Plaza Etxeberri jatetxeetan egongo dira eskuragai.
