Gipuzkoako Foru Aldundiak jakitera eman duenez, 13 positibo berri atzeman dituzte asteburuan Gipuzkoako adinekoen egoitzetan. Horietatik, 9 Zizurkilgo Fraisoro egoitzan izan dira, eta gainerako laurak, Oiartzungo Petra Lekuona egoitzan.
Denera, une honetan, COVID-19an positibo eman duten 19 pertsona daude Gipuzkoako egoitzetan: Zizurkilen 9, Donostian eta Oiartzunen 4 eta Irunen 2. Kutsatuetako batzuk Eibarrera lekualdatu dituztela jakinarazi dute, prebentzio neurri moduan eta kutsatzeak ez areagotzeko.