'Pausoka, adinak ez du inporta' ekimena egin dute Zizurkilen

Tolosaldeko Ataria 2021ko uzt. 14a, 14:30

Zizurkildik abiatuta, Adunako bidegurutzetik barrena, Villabona zeharkatuz egin dute ibilaldia adinekoek, 'Pausoka, adinak ez du inporta' ekimenaren barruan.

Pandemiaren eraginez etenaldia egin ostean, ekainaren 25ean hasi ziren berriro adinekoak Zizurkildik Asteasuko bidegorrian zehar ibilbidea egiten. Zizurkilgo Elizpe jubilatu elkarteak antolatzen du Pausoka, adinak ez du inporta ekimena eta gaur eguraldi txarragatik ibilbide motzagoa egitea erabaki dute. Joxe Arregi plazatik abiatu, Bulandegi bidean barrena, Adunako zubiraino joan dira. Handik Villabona osoa zeharkatu eta Ugare auzotik itzuli dira Joxe Arregi plazara.

20 pertsona inguruk parte hartu dute gaurko ekimenean eta ibilbidea amaitutakoan Egarri tabernan hamaiketakoa egiteko aukera izan dute.

Udako etenaldiaren ondoren, irailetik aurrera jarraituko du Pausoka, adinak ez du inporta ekimenak.

 

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!