Gipuzkoako Azkartasunezko Sega Txapelketa jokatuko da igandean, Zizurkilen. Nekola baserriko lurretan izango da, eta emakumezkoen eta gizonezkoen mailan lehiatuko dira. 18:00etan hasiko da proba.
Emakumezkoetan bost segalari izango dira parte hartuko dutenak, eta gizonezkoetan berriz lau. Emakumezkoetan Ann Malou Henriksen, Garazi Urkiola, Jugatx Agirre, Ainara Otamendi ibartarra eta Alaitz Imaz hernialdetarra ariko dira belarra nork ebaki azkarrago.
Aldiz, gizonezkoen kasuan, Suharri Irazustabarrena, Julen Gabirondo, Jon Otegi eta Mikel Lizartza tolosarrak neurtuko dituzte indarrak.
Guztiek Gipuzkoako azkartasunezko txapela lortu nahiko dute.
18:00etan emango zaio hasiera Gipuzkoako Azkartasunezko Sega Txapelketari. Zizurkilgo Nekola baserriko lurretan izango da, eta bost emakumezkok eta lau gizonezkok parte hartuko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!