'Pausoka, adinak ez du inporta' ekimena berriro jarriko dute martxan

Zizurkildik Asteasurako bidegorrian egingo dute ibilaldia adinekoek. Ekainaren 25ean izango da lehenengo hitzordua.

Pandemiaren eraginez etenaldia egin ostean, berriro hasiko dira adinekoak Zizurkildik Asteasuko bidegorrian zehar ibilbidea egiten. Zizurkilgo Elizpe jubilatu elkarteak antolatuta, hiru distantzia proposatzen dituzte, bakoitzaren gaitasunaren arabera:

  • Burrusti baserriraino
  • Martxetaundi baserriraino
  • Asteasuraino

Lehenengo irteera ekainaren 25ean izango da eta bigarrena uztailaren 14an. Goizean, 10:00etan abiatuko dira denak Zizurkilgo Joxe Arregi plazatik, eta amaiera ere denek batera emango diote 12:00etan plaza berean. Ondoren, hamaiketakoa izango da ibilaldian parte hartzen duten guztientzat.

Aforoak kontrolatu ahal izateko eta aurreikuspenak egiteko, izen emateak Zizurkilgo udal bulegoetan jasoko dira edo bulegoa@zizurkil.eus helbidean.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!