Bihar, larunbata, Senidetze Eguna izango dute Zizurkilen. Aurtengoan diziplina anitzeko ikuskizuna baliatuko dute El Salvadorrera gerturatzeko. Emakumeak ikuskizuna eskainiko da 19:30ean, Ziminterioan. Lanak El Salvadorren 'abortu delitua' egotzita espetxeratu dituzten emakumeak gogoratu eta omendu nahi ditu.
"El Salvadorreko lau emakumek etxera itzuli behar dute, inoiz delitu izan behar ez zuen zerbaitengatik espetxean egon eta gero. Kontakizuna haiena da, baina historia, emakume guztiona", dio proiektuaren aurkezpen fitxak.
Horrela dokumental, eleberri grafikoa eta dantza adierazpen artistikoak oinarri hartuta Emakumeak proiektuak El Salvadorreko egoera gerturatu egingo dio hartzaileari.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?