09:25 zirenean gertatu da istripua, GI-3281 errepidean, Zizurkilen, Adunatik Asteasurako saihesbidearen alboan. Ertzaintzak jakinarazi duenez, txirrindulari batek erorikoa izan du, eta izan dituen zaurien ondorioz, ospitalera eraman behar izan dute. Zauritua 52 urteko gizonezkoa da.
Ertzaintza istripuaren lekuko bila dabil, eta deia luzatu die herritarrei gertaeraren inguruko informazioa izanez gero Gipuzkoako Trafiko Unitatearekin (943 53 91 25) harremanetan jartzeko.