Aiztondoko Plazida Otaño liburutegiak antolatzen duen motxila ibiltaria ekimenean jasotako lanak apirilaren 30era arte izango dira ikusgai liburutegiko erakusleihoan.
Motxila ibiltarian jarritako misioari erantzun behar izan diote gazteek oraingo honetan. Giuseppe Arcimboldo Errenazimentu garaiko margolari italiarraren adibideari jarraitu behar izan diote eta gazteek oraingoan barazki eta frutekin osatu behar izan dituzte ipuinetako pertsonaien erretratuak.
Jasotako lan guztiak ikusgai izango dira Plazida Otañoko erakusleihoan, apirilaren 30era arte. Egun horretan Kontalari2 ipuin kontalariek pertsonaia guztiekin sortu duten ipuin berria kontatuko dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!