Oporretan Euskarazeko begirale izateko deialdia zabaldu dute

Izen emateko epea apirilaren 30ean amaituko da.

Pandemiaren egoerak uzten badu, udaleku irekiak antolatuko ditu Zizurkilgo Udalak aurtengo uztailean. Bertan lanean arituko diren begiraleak hautatzeko prozesua martxan jarri dute dagoeneko. Deialdian parte hartu ahal izateko, derrigorrezkoa izango da honako baldintzak betetzea:

  • Zizurkilen erroldatua egotea.
  • 18 urte izatea edo 2021ean betetzea.
  • Euskara ondo menderatzea
  • Begirale edo zuzendari titulua izatea.
  • Elkarrizketa-talde dinamika gainditzea. Hautatze prozesuak 2 fase izango ditu: titulazio eta esperientziaren atala eta elkarrizketa-talde dinamika. Zuzeneko hartu-emanak duen garrantzia azpimarratu nahian, lehenengo faseari %40ko balioa emango zaio eta bigarren faseari %60koa.
  • Lehenengo fasean titulazioa eta lan esperientziaren balorazioa egingo da (denbora libreko begirale edo zuzendari titulua, heziketarekin zerikusia duten ikasketa, ikastaro, monografikoak e.a., esperientzia antzeko lanetan eta langabe edo ikasle izatea).
  • Bigarren fasean elkarrizketak-talde dinamikak egingo dira. 45 minutuko iraupena izangu dute eta baloratuko direnak hurrengo atalak izango dira: parte-hartzea, gizarte trebetasuna, talde lanerako gaitasuna, euskara maila eta diskurtsoa.
Izena emateko epea apirilaren 30ean amaituko da.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!