Euskal egutegiaren arabera asteburuan sartzen gara urte berrian. Igandean eguna ospatzeko ekimena antolatu du Herribizigunek Zizurkilgo Herrigunean.
Ilargiaren araberako egutegia erabiltzen zuten euskaldunek antzina. Egutegi horren arabera, urte berrian sartzera goaz datorren asteburuan eta, hori ospatzeko, ekitaldi berezia antolatzen ari dira Herribizigune elkarteko kideak.
Igandean 17:30etan jarri dute hitzordua, Pello Mari Otaño plazan. Giro goxoan, talo-merienda egingo dute, musikaz lagunduta. Euskal egutegia gogoan izan eta urte berriari ongi-etorria egiteko aukera izango da igande arratsaldean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!