Egoera berezia dela eta, aurten ezingo da ohiko Korrika egin, baina haren inguruko ekitaldi ezberdinak martxan dira dagoeneko. Esaterako, mezu sekretua barruan daraman lekukoa Zizurkilen barrena ibiliko da martxoaren 28ra arte. Aurreko astean jaso zuten Otaño herri eskolako ordezkariek, Korrika batzordeko kideen eskutik. Eguerdian Zubimusu ikastolarako bidea hartu zuen eta handik aurrera, herriko hainbat eragileren eskuetatik pasatzen joango da.
Martxoaren 28ko ekitaldi nagusian herriko plazara iritsiko da lekukoa eta bertan irakurriko dute barruan daraman mezua.