Duela urte eta erdi abiatu zuten Plazaetxeberri eraikinari erabilpen soziala emateko asmoz zein ekimen garatu zitezkeen pentsatzeko prozesu parte hartzailea.
Norabide horretan, martxoaren 18ko bileran, besteak beste, parte hartze prozesuaren emaitzak ezagutarazi eta definizio aldiari amaiera emango diote. Proiektuaren abiapuntuaz ere hitz egingo dute eta antolaketa eta plangintzaz ariko dira. Herri kooperatibarako bidean eman beharreko pausoez eta kontzientziazioaz ere hitz egingo dute bildutakoek.