Martxoaren 8an ospatzen da Emakumeen Nazioarteko Eguna eta martxoaren 21ean Poesiaren Nazioarteko Eguna. Bi datak lotu nahi izan ditu Aiztondoko Plazida Otaño liburutegiak.
Hizkuntza ezberdinetan idatzitako poesien aukeraketa bat egin dute eta bakoitza artelan batekin jarri dute harremanetan. Emakumeek sortutako lan hauek guztiak liburutegiko erakusleihoan ikusgai izango dira martxoaren 22ra arte.
Egunotan sare sozialetan ere partekatuko dituzte poesia eta artelanen arteko uztarketa hau. "Idazle zein artista hauen lanak eta erreferentziak eta beraien lan indartsuak ezagutu ditzazuen", esan dute liburutegiko arduradunek.