Martxoaren 27an magiak hartuko du Zizurkil. Goizetik hasi eta gauera arte, magiaren inguruko hainbat ekitaldi ospatuko dira. Magia tailerra izango dute gaztetxoek goizez eta familia osoarentzako ikuskizuna ospatuko da eguerdian. Iluntzean, berriz, helduei zuzendutako ikuskizunak izango dira protagonista. Ekitaldi guztietara joan ahal izateko gonbidapenak beharko dira, eta udal bulegoetan izango dira eskuragarri asteotan.
Hau da egitaraua:
- 10:00 - 12:00. Magia tailerra Gaztezulon. LH4-6 urte bitarteko gaztetxoentzat.
- 12:00. Magia Egunaren irekiera gala, Marsel magoaren eskutik Joxe Arregi plazako estalpean. Familia guztiarentzat emanaldia.
- 18:00 eta 20:00. Helduentzako magia galak. Atxulondoko areto nagusian (15 urtetik gorakoentzat): Imanol Ituiño, David Blanco eta Asier Kidam.