EH Bildu eta PSOEren aldeko botoekin eta EAJren abstentzioarekin, ostalaritzaren inguruko mozioa onartu zuten Zizurkilgo azken osoko bilkuran. COVID-19aren ondorioz, Espainiako gobernuak eta Eusko Jaurlaritzak agindutako ostalaritzaren itxierak direla eta, ekonomiaren sektore hori jasaten ari den egoera larriari irtenbide egokia emateko neurriak har ditzaten eskatu die bi erakundeei Zizurkilgo Udalak.
Zehazkiago esateko, martxoaren 14az geroztik, atzera eraginarekin, Gipuzkoako ostalaritzako autonomoei hileroko gutxieneko soldata aitortzea eskatu dute mozioaren bitartez eta berori bideratzeko beharrezko diren izapideak burutzea.
Mendebaldeko Saharari elkartasuna
EH Bildu eta EAJren aldeko botoekin eta PSE-EEren abstentzioarekin Sahararko Errepublika Arabiar Demokratikoari elkartasuna adierazteko mozioa onartu zuten otsaileko osoko bilkuran. Otsailaren 27an, erakundeek herri honi ematen dioten babesa erakusteko, Saharako bandera udaletxeko balkoian zintzilikatuko dute Zizurkilen, keinu sinboliko gisa.