Aiztondoko Plazida Otaño liburutegiak antolatuta urtarrilaren 18tik aurrera idazmen tailerra egingo da Zizurkilen. Iaz, urte hasieran jarri zuten martxan ekimena baina bertan behera geratu zen pandemiaren eraginez.
DBHko ikasleei zuzenduta dago tailerra. "Irakurlea bazara eta idaztea gustuko baduzu, etorri gurera", esan dute liburutegiko arduradunek. Oihana Iguaran Barandiaran arituko da irakasle idazmen tailerrean.
Izen emateak WhatsApp bidez egin daitezke 630 15 92 63 telefono zenbakian, zizurkiliburutegia@gmail.com helbidean edota Plazida Otaño liburutegira bertara gerturatuta.