Eskolak urteak daramatza Euskararen Astea antolatzen eta aurreko Euskaraldiaren ediziotik, Euskararen Astearen barnean kokatu izan dute ariketa soziala. Euskararen Aste honetan hainbat jarduera antolatu izan dira eta partaidetza oso zabala izan du. Familiek, ikasleek, irakasleek eta herriko hainbat eragilek parte hartu izan dute.
Aurten ere, desberdina izango den arren, hainbat jarduera burutuko dira: Euskararen erabileraren inguruko soziograma egingo da ikasleekin; Mingainaren dinamika burutuko dute; Altxorraren bila jolasa; Ipuin kontaketak; Eta irteera ludikoak: Chillida-Lekura, Urmara museoara eta Cristinaeneara, besteak beste. Pertsonai misteriotsuaren bisita ere jaso eta Euskaraldiaren barruan Aho Bizi eta Belarri Presten koreografia prestatuko dute ikasleek.
Bukatzeko, eskolak herritarrak animatzen ditu, datozen bi aste hauetan, gehiagorekin, gehiagotan, gehiago euskaraz hitz egiteko erronkari eustera.